دليل استخدام محادثة

1 البداية السريعة

1. اربط صفحتك من شرح الربط مع Meta.
2. استورد الـ Flows الجاهزة: من الـ Flows ← استيراد ← ارفع ملف starter-flows.json، أو ابدأ Flow جديد.
3. اختار رسالة الترحيب والرد الافتراضي من إعدادات الـ AI.
4. اكتب بيانات شركتك في بيانات الشركة، وفعّل الـ AI لو عاوزه يرد على الأسئلة اللي ملهاش Flow.
5. ضيف فريقك من الفريق.

2 الفريق والصلاحيات

النقطة الخضرا جنب اسم الموظف معناها إنه متصل دلوقتي.

3 الـ Flows

الـ Flow هو سيناريو رد: مجموعة خطوات بتتنفذ ورا بعض. كل Flow ليه طريقة تشغيل:

• كلمة مفتاحية: بيشتغل لما رسالة العميل تحتوي على الكلمة، أو تكون هي الكلمة بالظبط. اكتب كل كلمة في سطر، والسيستم بيتعامل مع اختلاف الهمزات والتاء المربوطة لوحده.
• كومنت على بوست: شوف الرد على الكومنتات.
• يدوي: بيشتغل من زرار في Flow تاني، أو كرسالة ترحيب، أو جوه Sequence، أو Broadcast، أو لما موظف يبعته من المحادثات.

الأولوية: لو أكتر من Flow ينفع للرسالة، اللي أولويته أعلى هو اللي بيشتغل.

متغيرات تقدر تكتبها في الرسايل: {first_name}، {name}، {phone}، {email}، {field:city} (لأي حقل إنت حافظه).

4 خطوات الـ Flow

كل Flow تقدر تصدّره JSON وتستورده في حساب تاني، أو تعمل منه نسخة.

5 الرد على الكومنتات

1. اعمل Flow نوعه لما حد يعلق على بوست.
2. ID البوست: سيبه فاضي عشان يشتغل على كل البوستات، أو اكتب رقم البوست (هتلاقيه في رابط البوست).
3. الكلمات: سيبها فاضية عشان يرد على أي كومنت، أو اكتب كلمات زي "السعر"، "تفاصيل".
4. الرد العام: اكتب أكتر من رد في سطور منفصلة، والسيستم بيختار واحد منهم عشوائي عشان الردود متبقاش متكررة.
5. الرسالة الخاصة: هي أول خطوة "رسالة" في الـ Flow.

6 الذكاء الاصطناعي

الإعداد

1. إعدادات الـ AI: اختار المزوّد (ChatGPT، أو Claude، أو Gemini، أو DeepSeek، أو أي API متوافق)، وحط الـ API Key بتاعك، ودوس اختبار الاتصال.
2. تعليمات البوت: اكتب شخصيته وطريقة رده، مثلًا: "اسمك نور، رد بالعامية المصرية، متديش خصومات".
3. بيانات الشركة: اكتب كل معلومة في فقرة واضحة: الخدمات والأسعار، والعناوين والمواعيد، والدفع والشحن، والأسئلة المتكررة. وتقدر ترفع ملف CSV للمنتجات.
4. جرّب الردود من خانة جرّب الـ AI قبل ما تفعّله.

بيرد إمتى؟

لما الرسالة متكونش زرار، ولا كلمة مفتاحية لـ Flow، ولا أول رسالة من عميل جديد عنده Flow ترحيب. والـ AI بيحوّل لموظف تلقائيًا لو مش لاقي الإجابة، أو لو العميل عنده شكوى، أو عاوز يأكد حجز أو طلب.

7 المحادثات والتحويل لموظف

• الفلاتر: مفتوحة، أو بتاعتي، أو محتاجة موظف، أو بدون Agent، أو مقفولة.
• أول رد من موظف بيوقف البوت للعميل ده، وبيعيّن المحادثة باسم الموظف. وتقدر تلغي ده من الاختيار اللي تحت خانة الرد.
• قفل المحادثة بيرجّع البوت يشتغل للعميل.
• ابعت Flow من الزرار اللي جنب خانة الكتابة، زي الأسعار أو العناوين.
• لو حد رد على العميل من Meta Business Suite، الرد بيظهر في محادثة، والبوت بيقف تلقائيًا.
• كلمات التحويل لموظف (زي "خدمة العملاء" أو "موظف") بتتظبط من إعدادات الـ AI.

8 الـ Sequences

سلسلة رسايل بتتبعت للعميل بعد مدد محددة، وكل رسالة فيها عبارة عن Flow. المدة بتتحسب من الرسالة اللي قبلها.

• العميل بيشترك عن طريق خطوة اشتراك في Sequence جوه أي Flow، أو كل اللي عليهم Tag معينة مرة واحدة.
• لو العميل محوّل لموظف، رسايل الـ Sequence مش بتتبعتله.
• رسايل الـ Sequence بتعدّي على الـ Cron Job، فلازم يكون متظبط.

9 الـ Broadcast

ابعت Flow لكل العملاء، أو للي عليهم Tag، أو لصفحة معينة. الإرسال بيبقى للعملاء اللي كلموا الصفحة خلال آخر 24 ساعة بس، وبيتبعت على دفعات عن طريق الـ Cron، وتقدر تتابع النتيجة وتلغي في أي وقت.

10 العملاء والاستيراد

• بحث وفلترة بالـ Tag والمنصة، وإضافة Tag لمجموعة عملاء مرة واحدة، وتصدير كل العملاء CSV.
• من ManyChat: اربط Google Sheets في ManyChat، واعمل Rule أو Broadcast فيه Action Insert row يكتب (User ID، الاسم، الموبايل، الإيميل، الـ Tags، Last Interaction)، ونزّل الشيت CSV، وارفعه من العملاء ← استيراد.
• أي عمود زيادة في الملف بيتحفظ كحقل للعميل، وتقدر تستخدمه في الرسايل بـ {field:اسم_العمود}.

11 قواعد Meta المهمة

• نافذة الـ 24 ساعة: الإرسال الحر بيكون خلال 24 ساعة من آخر رسالة من العميل. محادثة بتلتزم بالقاعدة دي تلقائيًا.
• Human Agent: لو عاوز فريقك يرد لحد 7 أيام، اطلب الـ feature دي من Meta، وفعّلها من إعدادات الـ AI.
• الكومنتات: رسالة خاصة واحدة لكل كومنت. وفي إنستجرام، الرسالة دي لازم تتبعت خلال 7 أيام من الكومنت.
• متبعتش رسايل مزعجة أو متكررة، عشان صفحتك متتقيدش.